Şübhəsiz ki, aybaşı dövrü qadınların həyatında ən xoşagəlməz günlərdən olub, onları müəyyən fəaliyyət növləri ilə məhdudlaşdırmaqla yanaşı, bir sıra sağlamlıq problemləri ilə də üz-üzə qoyur. Ancaq, sizin bəxtiniz gətirib ki, bu maqaləyə rast gəlmisiniz. Beləcə, növbəti dəhşətli aybaşı problemlərini və sağlam həyat sürmək üçün onlardan müvafiq çıxış yollarını nəzərdən keçirin.
- Bel Ağrısı
Qadınlar adətən bel ağrısından əziyyət çəkirlər, çünki bəzi qadınların uşaqlığı onurğaya daha yaxındır və məhz həmin yerdə ağrı özünü daha çox biruzə verir. 
Çıxış yolu: Adi qızdırıcı yastıqlar bu məsələdə həqiqətən yardım edə bilər. Eyni zamanda, hər həftə yoqa məşğələləri möcüzə yaradaraq, sizi sağlam həyata qaytarmağa yardımçı olar.
- Kökəlmə
Bəzi qadınlar aybaşı olmazdan bir neçə gün əvvəl çəkilərinin artdığını qeyd edirlər. Bu suyun orqanizmdə toplanmasına, hərfi mənada desək hormonlara görədir.
Çıxış yolu: Orqanizmdən artıq suyu çıxarmaq üçün kofeinli içkilərə və təbii diuretik adı altında satılan vasitələrə üstünlük vermək lazımdır. Bir isti yoqa məşğələsi də artıq mayedən azad olmağa yardım edə bilər.
- Yorğunluq
Yorğunluq hər bir qadının aşkar problemidir, çünki aybaşı günlərinə yaxınlaşdıqca hormonların səviyyəsi düşməyə başlayır.
Çıxış yolu: 7-8 saat yuxu və 30 dəqiqə kardiotrenajorlarda məşğələ sizi kifayət qədər endorfin və enerji ilə təmin edəcək.
- Baş Ağrıları və Miqren
Aybaşı zamanı qadın orqanizmi estrogen itirir və osteopat Lii Peterlinin fikrinə görə, məhz bu səbəbdən qadınlarda baş ağrıları və miqren olur.
Çıxış yolu: Kəskin baş ağrısı və miqrendən uzaq olmaq üçün aybaşı olmazdan iki gün qabaq qeyri-steroid iltihab əleyhinə dərman, maqnezium oksid və ya reseptsiz satılan qida əlavələri qəbul edin.